Shoqata Ana e Malit

Shoqata Shqiptaro Amerikane "Ana e Malit" festoi me madhështi, më 28 Nëntor 2010, Ditën e Pavarësisë, në restorantin "Vanderbilt" në Staten Island, New York . Qindra shqiptarë u mblodhën në këtë ditë të bukur festive, në ditën e shenjtë të Flamurit shqiptar! Ngjyrat kuq e zi, në gjithë mjediset e këtij restoranti i kishin dhënë një pamje sa festive aq dhe patriotike, ishullit magjepsës, të quajtur Staten Island, në New York . Ndërsa i shikoja tavolinat e zbukuruara me ngjyrat e Flamurit tonë, përballë dritareve dukej Oqeani Atllantik, në ujërat e qeta të të cilit reflektohej ngjyra e kuqe e Flamurit shqiptar në atë ditë aq të bukur festive, ku në mes tij vallëzonin bukuroshet oqeanike, veshur me kostumet me ngjyrat marramendëse të Arbërisë.

IIlyria: Keto dite shoqata "Ana eMalit" qe ju e drejtoni organizoi një forum biznesi në Staten Island, NY. cili ishte qellimi i këtij organizimi dhe çfarë rezultate u arriten?

N. Çobaj: Pasi qe organizata jone fusheveprimin e saj e ka te fokusuar ne diaspore dhe vendlindje, ky ishte nje prej aktiviteteve te cilin e ka organizuar shoqata per bashkepunim me komunitetin. Qellimi i ketij takimi ishte krijimi i nje forme te re te bashkepunimit me pronaret e bizneseve, profesionistet dhe studentet. Kjo eshte bere nisur nga fakti se gershetimi i pervojave, kapitalit si edhe potenciali intelektual e profesional mund te ndihmoje shoqaten per te realizuar synimin e saj ne realizimin e misionit te cilin ajo e ka ne ruajtjen e indentitetit dhe mundesine e krijimit te rrjetit te bashkepunimit i cili do te ishte i karakterit reciprok per te gjithe pjesemarresit. Ne takimin e pare jemi munduar te prekim tri tema te cilat jane elaboruar nga Avokat i ri Gentian Gjoni - "Rinia dhe ruajtja e trashigimise", Shpresa Suka Hopper - "Roli i Komunitetit dhe ngritja e fondeve" dhe Cafo Boga - "Ana e Malit mundesi e pashfrytezuar e biznesit". Gjat ketij takimi u arrit qe te shkembehen mendime dhe u diskutua per projekte konkrete qe mund te realizohen gjate vitit ne vijim

Në një ditë vjeshte me gjethe të kuqërremta tetori në Staten Island shoqata shqiptaro amerikane "Ana e Malit", mblodhi në një mëngjes pune pronarë, bizmesmenë, profesionistë dhe studentë. Ishte pervjetori i pare që kjo shoqatë organizonte në restorantin "Vanderbilt" në Staten Island. Aktivitetin e ka drejtuar zonjusha simpatike Maida Llolla me origjinë nga Ana e Malit. Pasi iu ka uruar gjithë pjesëmarrësve dhe organizatorëve punë të mbarë për këtë tubim, ajo ka ftuar në skenë z.Nikë Palkola zëvendës kryetar i shoqatës "Ana e Malit"

Nju Jork – Shoqata "Ana e Malit" që tubon komunitetin anamalas në SHBA, pas një riorganizimi të kohëmëparshëm nga drejtuesit e rinj të saj, Naser Çobaj, kryetar dhe Nikë Palkola, nënkryetar, organizuan të shtunën në Staten Island të Nju Jork-ut mëngjes pune me biznesmenë, profesionistë dhe studentë me prejardhje anamalase që jetojnë në shtetin e Nju Jork-ut. Temë qendrore e këtij takimi ishte resurset ekonomike të rajonit Ulqin - Ana e Malit dhe mundësitë e valorizimit të tyre nga banorët vendorë, që u ligjërua nga Caf Boga, ekonomist i diplomuar. Në kërkim të një zhvillimi të qëndrueshëm të këtij rajoni, të keqmenaxhuar ekonomikisht edhe në këto 20 vjetët e fundit të ekonomisë së tregut, Boga tregoi shansin që ka tani diaspora për të investuar në vendlindje në klimën e re integruese rajonale dhe evropiane që i ka përfshirë vendet e Ballkanit. Për aspekte të ndryshme të raporteve diasporë - vendlindje foli avokati i ri me perspektivë Gentian Gjoni si dhe Shpresa Suka - Hopper, publiciste e nëpunëse e administratës së prefektit Mike Bloomberg të qytetit të Nju Jork-ut. Përndryshe Shoqata "Ana e Malit", siç thanë në bisedat e tyre përshëndetëse të parët e saj, Çobaj e Palkola, synon gjithnjë të kontribuojë në ruajtjen e vetëdijes për përkatësinë etnike të mërgatës disamijëshe anamalase në Shtetet e Bashkuara të Amerikës në procesin e integrimit të saj në shoqërinë e re dhe të ndihmojë vendlindjen në aspekte të ndryshme të zhvillimit.

Nga Islam Pali